Destrezas e niveis lingüísticos

Coñecer unha lingua significa moitas cousas distintas que se poden cualificar de formas diferentes. Se vostede xa sabe un pouco da lingua que quere aprender, quererá comprobar que nivel ten. E aquí é onde un exame de lingua lle poderá dicir o que vostede sabe e o que non sabe. Pode poñer a proba o seu coñecemento sobre a lingua en si mesma (estrutura, vocabulario, historia) ou pode avaliar a súa competencia comunicativa en situacións máis ou menos reais. A maioría dos exames de lingua divídense en catro destrezas: expresión oral, comprensión oral, comprensión de lectura e expresión escrita. Tamén pode avaliar os seus coñecementos de gramática e vocabulario mediante distintas probas. Outros exames axudaranlle a avaliar a súa fluidez, corrección gramatical, e complexidade de expresións, estilo, pronunciación e moitos outros aspectos.

Os niveis divídense normalmente en principiante, intermedio, ou avanzado. O significado destas palabras varía dependendo do contexto.